Cwmllynfell Rugby

CROESO  I   BARC  Y  BRYN

Wel, dyma ni yn eich croesawu unwaith eto i Barc y Bryn yn ein pumed tymor yn olynol yn Adran Gyntaf (Gorllewin) Cynghrair

Cenedlaethol Undeb Rygbi Cymru.

Mae’r ffaith ein bod “yma o hyd” yn yr Adran Gyntaf yn dipyn o wyrth gan gofio am ein “dihangfa Houdini” ddiwedd y tymor diwethaf pan oedd ein sefyllfa yn edrych yn eitha tywyll a dim ond ychydig o gemau ar ol cyn diwedd y tymor, ond yn ffodus roedd rhan fwyaf o’r gemau hynny gartre ar y Bryn, ac anaml iawn  mae’r ymwelwyr yn ennill ar Barc y Bryn, ac felly y bu llynedd oherwydd enillodd y tîm gemau pwysig yn erbyn Corus, Felinfoel, Maesteg, Llangennech ac Athletig Caerfyrddin oedd yn dangos cymeriad y chwaraewyr o dan arweiniad ysbrydoledig ein capten bytholwyrdd Jim Morgan ,sy’n rhoi ei orau cant y cant bob gêm, ac yn ysbrydoliaeth i weddill y tîm.

Does dim dwywaith fod arweiniad Jim a dawn arbennig yr

hyfforddwr Meic Lewis yn allweddol yn y ffaith ein bod yn dal o hyd yn yr Adran Gyntaf ymhlith clybiau gorau’r Undeb.Gobeithio y bydd hynny yn parhau a dymunwn bob lwc i’r tîm a’r hyfforddwyr.

Da dweud bod cnewyllyn carfan llynedd yn dal i fod gyda ni

gydag ambell newyddian wedi ymuno ar gyfer y tymor newydd hwn.Ar ddechrau tymor newydd arall, rhaid cydnabod ffyddlondeb a theyrngarwch y prif swyddogion a’r pwyllgor sydd gyda ni o hyd, gan ddiolch hefyd i’r cefnogwyr ffyddlon am eu cefnogaeth gyson ar hyd y blynyddoedd.  

John “Bach” Evans

To change Your Site Name go to the 'Page Master' under the 'Design' menu